睇完表演，返到課室就係4D既時間喇!
我地有老師送禮物、交換禮物、玩遊戲，重有大食會添呀! 我地有好多野食呀!!! 多謝晒咁多位家長既預備，小朋友都食到挽住肚仔走呢!
睇下我地幾開心幾滿足!
今日係省德聖誕聯歡會，一返到黎小朋友就入禮堂一齊開個party，抽禮物又有表演睇!
4D班都有幾位同學有表演呀! 真係好叻!
敏晴、慧儀、雪琳表演芭蕾舞! 嗚弟表演體操! 大家都好厲害呢!
12月份生日之星有希彤，生日快樂呀! 大家又有蛋糕食喇! 今次重有逸天，特別留係12月先食既生日蛋糕，真好咪!
就黎又到考試喇，今個星期就開始左口試同英默既科目，咁多位小朋友都好努力! 每日朝早返到學校就坐定定溫習，老師都感受到大家既努力! 加油呀!
