新年快樂

咁多位小朋友，祝大家新一年
繼續開開心心，
新年快樂，
身體健康，
學業進步!!!

聖誕聯歡會

聖誕聯歡會真係好開心架! 有全校一齊係禮堂慶祝，有得唱聖誕歌、有表演睇、又有禮物抽! 開完之後重可以返上課室，同同班同學一齊玩遊戲，重有期待左好耐既大食會添^^

小小禮物，咁多位小朋友聖誕快樂呀! 

12月生日會

12月生日之星係耀斌，生日快樂，身體健康!

12月展藝舞台

第二次展藝舞台又黎喇! 臨近聖誕節，我地一於展示下我地英文能力，又同咁多位家長、老師提早迎聖誕，唱返首Jingle Bells送比大家! 我地重有精彩既樂器同舞步配合架!

睇下我地幾叻!

元朗小學田徑區運比賽

一年一度既田徑區運比賽完左喇，4D班都有一位精英代表學生出賽，佢就係莊昕喇! 林主任梗會到場支持啦!! 雖然今次未能得獎，但能夠代表學校比賽就已經好叻架喇! 繼續努力!

十一月生日會

十一月生日之星係梓鎬、紫琪、凱霖，生日快樂呀咁多位小朋友! 小朋友有口福喇，有3個咁靚咁好味既蛋糕!!!

自理課程

小朋友今日好叻呀! 我地讀書之餘，都要學識照顧自己，學校提供左個機會比我地呀!
睇下我地幾有板有眼^^

十一月慶祝會

今次測驗，見到好多同學都好努力溫習，無論結果係點，千萬不要氣餒，再接再厲! 所以，我地都要慶祝一下啦! 放鬆返心情，先有動力再繼續努力!

今日唔少得有閃避球比賽啦!

扮鬼扮馬萬聖節!!!

30/10 萬聖節，雖然重有一日先係萬聖節，但今日LSTS已經有好多扮鬼扮馬既人出現喇!!!
為慶祝呢個節日，全校學生同老師都以唔同既造型出現，大家都好得意呀，又扮得好神似，最緊要係玩樂之餘，重可以學到有關於萬聖節既英文。真係一舉兩得!!!

20/10 旅行日

一年一度秋季大旅行又黎喇! 20/10 真係一個好日子呀! 秋高氣爽，今次目的地係獅子山公園，果度真係又大又靚呀! 去到有大食會之外，又有得係遊樂設施度玩，上面重有個大草原比我地四周跑動一番，果度最緊要就係遠望獅子山，個境色真係好靚呀!!!


我地重舉行左個4年級班際閃避球比賽! 4D班咁叻，當然贏到冠軍啦! 真係叻晒呀!

快D黎睇下當中既花絮啦!