第二次展藝舞台黎喇! 真係好興奮又緊張，就黎聖誕節，我地4D班係度先祝福大家有個開心快樂聖誕節!! 我地又唱歌又跳舞，好有心思架!!!多謝咁多位既掌聲!
11月份生日之星有梓霖、綽瑩、逸天，生日快樂呀咁多位! 咁多位小朋友又有口福喇，睇下幾多野食!!! 今日我地重公布左測驗叻叻榜添呀!
4D班有兩位小朋友代表學校出戰全港小學壁球比賽呀! 睇下佢地幾叻!有型有款架!
雖然今次拎唔到獎，但佢地話下次再努力過!果然厲害!
今次測驗小朋友都好努力，大家都想爭取好成績，當然，努力後梗係有獎勵啦，睇下佢地食緊咩好好咪既野?
31/10 一年一度萬聖節活動又黎喇! 係呢個時間，小朋友可以著返應節服飾返黎，重可以講講英文，換取糖果，各位小朋友既裝扮都好有心思呀! 希望大家係測驗前，都輕鬆一番，暫時放低壓力。
4D班嘉晉要到美國讀書，雖然短短一個月同班同學，但係大家都好唔捨得! 每位同學都話要同嘉晉搞個farewell party，希望嘉晉去到美國升學繼續努力，有時間返黎探下大家呀!
10月份生日會黎喇! 今次生日之星係淑茹、雪琳同HUMZA，生日快樂!!!快高長大!!!
