第一次展藝舞台!

本年度第一次展藝舞台! 小朋友今日向大家表演班呼呀! 我地既班呼有氣勢，最緊要又表達到我地既意思! 我地重有不同動作添架!

4D精神
團結過人
讀書醒神
體藝超群
YEAH~~~~~

係展義舞台之後，我地重有班議會添，班議會由班主任帶領小朋友，比小朋友自主想討論既事項，想表達既意見，真係好好呀!

今次我地表達左「願望成真」計劃，每個小朋友會定下目標，希望家長同老師見証，如果達到目標，希望得到獎勵^^

省德水運會!!!

一年一度省德水運會又黎喇! 今日4D班有兩位精英參加比賽，佢地係就因瞳同卓琳喇! 係今日咁好既天氣下，真係好適合游水架!!! 小朋友參加比賽，家長又到場支持，我都好落力打氣架!

兩位小朋友咁叻，重得到好多獎牌添呀!你睇佢地幾勵害!

小朋友要繼續努力呀!

10生日會!

10月生日會又黎喇!!! 生日之星係梓聰、嘉樂、晧天，恭喜晒生日既同學呀! 生日快樂!!!
今日重有好多家長出席，同咁多位小朋友一齊慶祝!!!

8~9月生日會及中秋慶祝會!

8~9月生日會黎喇!!! 生日之星有鈞勻、因瞳、卓琳 同 耀恩，生日快樂呀!! 小朋友有福啦，有4個蛋糕食!重有多謝美婷家長整既野食!!

今日重慶祝左黎緊既中秋節，大家都帶左靚靚燈籠，希望咁多位小朋友都開開心心，中秋節快樂呀!!!

叫得慶祝會，當然唔少得有閃避球活動啦，小朋友過左好開心既朝早呀!!!

聯合國國際和平日!

學校今年繼續同聯合國教科文組織合作，第一個活動就係和平宣誓，小朋友對世界和平都有一番不同既見解，但大家既目標都差唔多，都係為世界更美好而努力! 年紀少少已經為世界事而努力，真係好叻呢!

今日大家都寫低左大家諗法，我地重同全校同學分享添!!!

4年級頭炮目標會!

第一次既慶祝會，當然要為我地定立既目標而慶祝同打打氣啦! 我地4年級目標好明確架! 黎緊一年係平日生活、學習、課外活動 及 升中都有明確既目標! 

好開心今日有好多家長既支持，黎見證我地定立既目標，重會同我地一齊努力! 小朋友加油呀!!!!