4月份慶祝會，慶祝測驗成績，所有小朋友今次都好努力！但係我地目標重未達到架，希望所有小朋友都可以比上年更有進步！林老師同大家一齊努力呀！加油！
1、2及3月真係有好多生日之星! 有梓樺、鴻發、卓希、桂冰、樂霖、莊昕，生日快樂呀咁多位^^
下學期測驗就快到喇! 咁多位小朋友準備成點呀? 我見大家都好努力，每日一早返到學校就會坐定定溫習，上課又專心，答問題又積極，大家都為自己既成績而努力! 作為老師真係好開心，希望大家黎緊有好成績啦!
莊昕好叻叻呀! 佢比學校選中，係4月6日代表學校參加全港體操比賽，同全港既精英一拼高下，得到咁好既經驗，將來一定更成功呀!
早前，4D糧斌參加了童軍新界地域舉辦的「英雄聯盟」活動，佢地有得認識其他童軍朋友，又有得參加營火會，好開心架!
今次展藝舞台主題係正能量! 4D班小朋友好努力排練左一段表演，比咁多位家長、老師、同學睇，我地重唱左首歌( You Raise Me Up)，希望每個人身邊都有個正能量既人，可以一齊努力，一齊成功! 希望咁多位都鍾意啦^^
小朋友好叻叻呀! 我地既級議會又再開會喇! 由小朋友主持及傾出佢地想表達既野，重有想要求既獎勵，真係好有領導才能! 大家都好踴躍發表意見，全級一齊努力，爭取更好成績!
